Transcription
1
Reçue à Grenoble, le 19 mars 1573.
2
Monsieur, j’ay receu une lettre de monsieur le marechal laquelle
3
je vous envoye. Je croy que vous avés sceu la grande meschanceté
4
et trahison que m’a esté faicte par les habitans de Villeneufve.
5
Mais Dieu a vouleu que ma femme et moy sommes hors de leurs
6
mains. Ilz tiennent contre leur foy mes enfens prisonniers,
7
lesquelz je ne puys recouvrer quoy que je sache faire. Mais
8
j’espere en avoir ma raison et d’y employer mes amys et
9
tout ce que j’ay en ce monde. Cella me faict que m’augmenter
10
la vollanté que j’ay au service du roy et votre en tout ce qu’il
11
vous plaira m’envoier de vous commandementz, que sera
12
l’encroict où apprès vous avoir baisé les mains, je prieray
13
à Dieu,
14
monsieur vous donner heureuse et longue vye. A La Borye, ce
15
XIIe de mars 1573.
16
Monsieur le marechal m’a escript pour le
17faict du Pousin enquoy je [barré : employeray ] suivray votre
18
vollanté et commandement et y employeray
19
le vert et le sec.
20
Il y a deux gentilzhommes ceans avecques moy qui ont porté
21
les armes pour la relligion, l’ung s’appelle Jean de Rosset, qui
22
est de Teing, et l’aultre François de Laygle qui est de Normandye,
23
lesquelz desirent fort de se retirer en leurs maisons pour demeurer
24
soubz l’obeyssance du roy et s’ayder de son eedict. Je m’asseure qu’ilz ne
25
viendra jamais faulte de leur cousté. J’en ay receu beaucoup de
26
courtoysie astheure, qu’est cause que je vous supplie très humblement donner
27
une asseurence à l’ung pour se retirer en sa maison en Daulphiné et
28
à l’aultre ung saulfconduict pour s’en aller à Normandie. Et je vous feray
29
très humble service en tout ce qu’il vous plaira.
30
Votre très humble et plus hobeyssant serviteur
31
Lengiere